दि. २३.०६.२०२५ रोजी, द्वारका बहुद्देशीय ग्रामीण विकास फाउंडेशन बुलढाणा द्वारा संचालित, शाहू नगर- सागवन परिसरातील शैक्षणिक संकुलात स्थापित  झालेल्या  राजर्षी शाहू महाराज आयुर्वेद कॉलेज, हॉस्पिटल व रिसर्च सेंटर बुलढाणा येथे शहरातील तसेच ग्रामीण भागातील जनतेसाठी मोफत आरोग्य रोगनिदान व मोफत चिकित्सा शिबिर आयोजित करण्यात आले होते. संस्थेचे संस्थापक व सर्वेसर्वा मा. आमदार श्री. धृपतराव सावळे यांच्या संकल्पनेतून तसेच  मार्गदर्शनातून स्थानीय जनतेच्या कल्याणार्थ हे शिबिर राबविण्यात आले. 

शिबिराच्या सुरुवातीला सदर कार्यक्रमाचे उद्घाटन संस्थेच्या सहसचिव अॅड. सौ. किर्तीताई समीर पऱ्हाड यांच्या शुभहस्ते फीत कापून तत्पश्चात धन्वंतरी पूजन करून करण्यात आले. त्यानंतर त्यांनी सर्व उपस्थित विद्यार्थी व  वैद्यकीय चमूस प्रोत्साहन व प्रबोधनावर भाषण केले. शिबिरास शुभेच्छा दिल्या. शिबिरास महाविद्यालयाच्या प्राचार्या डॉ. राजश्री अमित बामरटकर ह्यांनी  रुग्णालय अधिक्षक तसेच विशेष  शल्य चिकित्सक  म्हणून रुग्ण सेवा दिली. रुग्णालयाचे उप अधिक्षक डॉ. शेषराव काळवाघे, डॉ. प्रितमसिंग ठाकूर हे  शिबिर सेवेत कार्यरत होते.

नेत्ररोग तज्ञ डॉ. प्रसाद निकम,शल्य तज्ञ डॉ. मयूर पडोळ हे व इतर सेवारत होते. रुग्णालयीन वैद्यकीय अधिकारी डॉ. मीनल किनगे, डॉ. पूनम सावळे, डॉ. प्रियवंदा  साखरे, डॉ. अनुराधा शिरसाट ह्यांनी रुग्ण तपासणी केली. रुग्णांना मोफत औषध वाटप करण्यात आले. शिबिराचे नियोजन श्री. सत्यघोष बाहेकर, श्री. गणेश किनगे ह्यांनी केले.  शिबिरास स्थानिक जनतेचा भव्य प्रतिसाद मिळाला. एकूण २१०  रूणांनी ह्या वेळी उपस्थिती नोंदविली. महाविद्यालय व रुग्णालयीन सर्व कर्मचाऱ्यांनी शिबिर यशस्वीरीत्या पार पाडण्यात मोलाची जबाबदारी बजावली.